O presidente do Real Club Celta, Carlos Mouriño, proseguirá nos próximos días coa campaña informativa para dar a coñecer aos distintos colectivos da cidade os proxectos de futuro, arraigamento e estabilidade da entidade celeste. Carlos Mouriño protagonizará charlas-coloquio na Universidade de Vigo, Confederación de Empresarios de Pontevedra, Círculo Mercantil, Asociación de Hostalaría e Club Faro, ademais de reunións coas peñas celestes, Afavi ou o Club de Campo, entre outras.
