Os afeccionados celestes poderán gozar nas próximas horas dunha novedosa iniciativa, xa que terán a posibilidade de puxar en directo polas camisetas usadas polos xogadores durante os partidos. Esta iniciativa encamiñada a apoiar á Fundación Celta comezará leste mesmo sábado, no que o RC Celta recibe ao Valencia no Estadio de Abanca Balaídos. Os seguidores celestes terán a oportunidade de adquirir un artigo exclusivo: unha camiseta dunha das estrelas do RC Celta utilizada no encontro ante o cadro valenciano. As ofertas realizaranse directamente na plataforma MatchWornShirt.com.
Este evento único permite aos afeccionados do RC Celta de todo o mundo puxar por un artigo especial de colección nun momento no que non poden asistir físicamente aos partidos. Ademais, os fondos recaudados utilizaranse para apoiar á Fundación Celta, que realiza unha importante labor social ademais dun arduo traballo para achegar os valores do deporte á sociedade.
Participar é moi sinxelo. Aquel afeccionado que o desexe pode rexistrarse e facer ofertas con só un clic en https://matchornshirt.com/club/rccelta e deste xeito participar na poxa dun produto único do RC Celta.
