Asinado un convenio de colaboración que referenda a forte unión do club co fútbol base da cidade
O histórico acordo entre o fútbol base de Vigo e o Real Club Celta fortalécese. O club, a Fundación Celta e Afavi selaron hoxe o convenio de colaboración para os próximos tres anos nun acto desenvolvido nas instalacións do Museo celeste en Balaídos. O presidente do club, Carlos Mouriño, expresou o seu agradecimiento a Afavi polo seu apoio e traballo e a súa satisfacción por un acordo que “se vai consolidando e crecendo”.
A firma do convenio tivo lugar no Museo do Celta coa presenza do presidente celeste, Carlos Mouriño, o vicepresidente, Ricardo Barros, os conselleiros Antonio Rosendo e Carmen Avendaño e os directores da Fundación Celta de Vigo, Germán Arteta, e da canteira, Toni Otero. Por parte da Asociación de Fútbol Afeccionado de Vigo acudiron os presidentes dos 15 clubs integrados na entidade con Daniel Costas, máximo mandatario, á fronte.
“Podédesvos sentir tan orgullosos como nos sentimos nós do bo momento da nosa canteira”, apuntou o presidente celeste aos responsables de Afavi, a quenes fixo partícipes dos éxitos cosechados na Madroa. Comentou ademais que “o club recoñece a voso labor e o voso traballo e o apoio para a firma deste convenio, que si pensamos en datas atrás parecía máis difícil que conseguir que reunir a Diputación e Alcaldía”.
“Aos poucos fomos todos poñendo da nosa parte para poder chegar a isto, un acordo que cada vez se vai consolidando e facéndose máis grande”, sinalou Mouriño, quen engadiu que me produce unha gran satisfacción que xa confiedes máis en nós e que aqueles contratos que asinabamos anualmente póidanse facer agora de tres anos, algo que nos dá máis seguridade a todos”.
“Quero unha vez máis expresar o noso agradecimiento ao voso gran labor porque os que traballamos coa canteira sabemos os sacrificios e esforzos que supón tratar permanentemente cos nenos e cos pais. Non é fácil e estádelo facendo extraordinariamente ben”, concluíu.
Pola súa banda, Daniel Costas destacou que “estamos moi agradecidos por este novo convenio, que foi mellorando e dános moitas posibilidades aos clubes para desenvolver unha serie de actividades que a nós sos resultaríanos difícil realizar”.
“É un convenio para unir ao futbol de Vigo co Celta, co noso club. Quero mandar unha mensaxe á cidadanía de que se traballa en común, para que os nenos de Vigo, co seu esforzo e o seu sacrificio, poidan ter posibilidades de cumprir o seu soño de ser futbolistas. É un momento de satisfacción e esperanza, agradecemos ao club que persista no seu apoio á canteira e ao fútbol base da cidade e desexámoslle moitos éxitos, que serán os éxitos de toda a cidade”, comentou o presidente de Afavi.
