Sortearanse as prazas entre os abonados Sub-15 que tramiten o seu carné antes do mércores ás 20h
Con motivo do regreso de Iago Aspas e da nova Campaña de Abonados, o RC Celta sortea entre os máis mozos 10 prazas para vivir a presentación no céspede xunto ao dianteiro moañés, que terá lugar este venres ás 20:00h no céspede de Balaídos. Os afortunados serán elexidos entre os abonados de ata 15 anos que renoven ou dean de alta o seu carné 2015/2016 antes do mércores 17 de xuño ás 20:00h, unha maneira de recoñecer a importancia dos celtistas máis noveis, en quen reside o futuro do celtismo.
A Campaña de Abonados entra na última quincena con vantaxes especiais. Os afeccionados que tramiten o seu carné ata o 30 de xuño beneficiaranse dun desconto no caso de renovacións e da exención de suplementos nos partidos designados como “Días do Club” tanto en renovacións como en altas. Os despachos de billetes do estadio permanecen operativas de luns a venres en horario ininterrompido de 9.00 a 20.00, mentres que a plataforma online permite tramitar o carné en calquera momento da semana: www.celtavigo.org/taquillaCelta
