A Peña Celtista de Xinzo de Limia, Tallada Celeste, celebrou onte, 17 de outubro, o seu primeiros dez anos de existencia xunto aos xogadores do primeiro equipo do RC Celta Carles Pérez e Agustín Marchesín.
No aniversario, que tivo lugar no Bar Lulo, sede da agrupación ourensá, tampouco faltaron o conselleiro do RC Celta, Primitivo Ferro, e o responsable da área social do club, David González. Todos eles, xunto aos peñistas e demais invitados, quixeron homenaxear e conmemorar a primeira década de celtismo da peña celtista.
O Club quere felicitar a Tallada Celeste polo seu aniversario e agradecer o seu compromiso e apoio ao longo de todos estes anos.
