O RC Celta continúa de celebración no ano do seu Centenario con moitas sorpresas. Nesta ocasión, Estrella Galicia quixo sumarse a esta conmemoración cun cambio especial no logo do noso segundo equipamento. Para a ocasión, substituíuse o logo do noso patrocinador por un impoñente dourado, que destaca sobre o negro da camiseta.
Esta edición exclusiva, bautizada como Tesouro Celeste, representa unha peza única na historia do club e moi especial para os afeccionados que a luzan. Unha peza da que se produciron soamente 100 unidades, con motivo do Centenario, converténdoa en toda unha peza de coleccionista.
Ademais, esta camiseta será a que vistan os xogadores nun partido moi especial: o RC Celta só a vestirá no encontro ante o Real Madrid do próximo 22 de abril no Santiago Bernabéu. Será unha oportunidade única para ver aos xogadores celestes enfundados nesta vestimenta singular.
A edición limitada do segundo equipamento 2022/23 xa está dispoñible á venda na tenda en liña do RC Celta (shop.rccelta.es), así como nas tendas físicas de Abanca Balaídos e A Sede RC Celta. O prezo de venda é de 79,95€, cun desconto de 10% para nosos abonados na compra desta camiseta tan especial.
Celebra o Centenario do RC Celta co noso Tesouro Celeste, unha peza única e irrepetible que representa a historia e a tradición do noso club. Faiche coa túa AQUÍ!
