Vive o Celta e Galicia desde dentro con esta experiencia especial polo Día de Galicia, que che permitirá percorrer os recunchos máis emblemáticos do estadio Abanca Balaídos e coñecer o Museo Celta mediante unha visita guiada, nunha ruta que celebra a historia, os símbolos e a identidade galega do club.
Descubre o camiño que percorren os xogadores os días de partido: vestiarios, túnel de saída ao campo, sala de prensa, banquiños… Espazos cargados de historia e emoción que agora poderás visitar en primeira persoa.
Ao longo do percorrido, poñeremos en valor o papel do Celta como embaixador de Galicia desde a súa fundación ata hoxe. Coñecerás a historia de figuras clave como Iago Aspas, descubrirás os elementos galegos presentes na camisola e no escudo, e revivirás momentos que uniron Balaídos con toda Galicia.
Como peche especial, gozarás dunha degustación simbólica de Tarta de Santiago, unha homenaxe doce á nosa terra.
Que inclúe este produto?
- Visita guiada temática especial polo estadio Abanca Balaídos.
- Visita guiada ao Museo Celta.
- Degustación simbólica de Tarta de Santiago
- Detalle conmemorativo.
- Compra a túa entrada AQUÍ e goza do Día de Galicia no templo celeste.
Información importante:
- Duración estimada total (estadio + museo): 90 minutos
- Localización: acceso pola Área Celtista, entre as portas 14 e 15 da grada Marcador
- Idiomas dispoñibles: Galego e Castelán.
- Todos os descontos son persoais e intransferibles. Será necesario acreditar identidade e idade con DNI ou libro de familia
- Non se permite o acceso con mascotas, agás animais de asistencia debidamente acreditados
- Non se admiten devolucións
- Para realizar calquera xestión, pode contactar connosco a través de [email protected]
