Esta mañá fíxose entrega nas instalacións deportivas da Madroa do premio ao Xogador Estrela Galicia do mes de outubro, que recaeu no centrocampista Pablo Hernández, o Tucu.
A decisión sobre o premiado tomárona os afeccionados do equipo que participaron a través dunha votación popular mediante as redes sociais do club. Do total de votos emitidos a través de Twitter e Facebook, o 45% decantáronse polo Tucu Hernández, mentres que o 33% apoiaron a Pione Sisto e o 22% a Daniel Wass.
O responsable de Galipizza, Xose Manuel Vázquez, foi o encargado de entregar o galardón na segunda entrega desta iniciativa que cada mes deixa en mans dos afeccionados do Celta, mediante unha votación popular a través das redes sociais do Club, a elección do que consideren mellor xogador dese período de tempo.
Á súa vez, Xose Manuel Vázquez foi recoñecido como o Hostaleiro Estrela Galicia do mes de outubro polo que recibiu de mans do Tucu Hernández unha camiseta oficial do Celta asinada por todos os xogadores do persoal.
En palabras de Tucu Hernández: “Cheguei un mes máis tarde que os meus compañeiros, sabía que me ía a levar tempo poder lograr estar entre o once, loitei para estar aí e a verdade é que estou moi contento de que me deron este premio. Tal e como empezaron as cousas a verdade é que non o pensou. Un trata de deixar todo cada partido e que a xente cho recoñeza é algo que se agradece moito”.
