As entradas para o histórico Celta-Krasnodar de oitavos de final da Europa League xa están á venda. Balaídos será escenario do partido de ida entre vigueses e rusos o vindeiro xoves 9 de marzo ás 21:05 horas, un encontro para o que o club mantén os mesmos prezos e condicións da anterior rolda. As entradas xa están dispoñibles tanto en Balaídos como no despacho de billetes en liña, cuns prezos que oscilan entre 20 e 40 euros para SUB-25 e entre 40 e 70 euros para ADULTO.
Os abonados do RC Celta beneficiaranse dunha promoción exclusiva para eles: poderán retirar ata dúas entradas da súa mesma categoría para calquera bancada cun 50% de desconto, presentando o carné de abonado no momento da compra.
Os despachos de billetes permanecen abertas de luns a venres en horario de 10 a 14 e de 17 a 20 horas. As entradas tamén están dispoñibles na web www.celtavigo.org/taquillaCelta.
