O Sevilla acaba de facilitarlle ao Real Club Celta o número de entradas dispoñibles para a afección visitante, un total de 250 ao prezo de 25 euros, para o partido de ida das semifinais da Copa do Rei que se disputa este xoves no Sánchez Pizjuán.
O club vigués pon estas entradas desde esta mesma tarde a disposición dos seus abonados, que poderán reservalas na oficina de abonados, onde deberán abonar o importe e presentar o seu carné e DNI, xa que os billetes, que se recollerán nos despachos de billetes do Sánchez Pizjuán, serán nominais.
As entradas reservaranse por orde de petición ata esgotar existencias desde esta mesma tarde ata as 20:00 horas e mañá mércores de 10:00 a 14:00 e de 17:00 a 20:00 horas.
