Para o encontro do RC Celta como visitante contra o Valencia CF, o vindeiro sábado 25 de novembro ás 16:15 h, todos os abonados que queiran acompañar ao equipo xa poderán facerse coas entradas, desde agora ata o luns 20 de novembro ás 23:45 h a través da páxina web do RC Celta, no portal de abonados.
O importe das entradas será de 25€. Ademais, serán nominais, polo que non se admitirán cambios nin devolucións, e exclusivas para abonados celestes.
A data de entrega das entradas será, de forma presencial, o martes 21 e mércores 22 de novembro, en horario de 10:00 h a 14:00 h e de 16:00 h a 19:00 h nos despachos de billetes de abonados de Abanca Balaídos.
As entradas que non se retiren nese prazo serán enviadas a Valencia, e comunicarase ao usuario vía mail, o lugar e horario da súa retirada.
