A empresa española ‘Viajes El Corte Inglés’ chegou a un acordo co RC Celta para renovar o seu compromiso co club no ilusionante ano do Centenario.
‘Viajes El Corte Inglés’ súmase ao Centenario como Colaborador Oficial e de forma activa como organizador en eventos, como o recente ‘Torneo de Golf do Centenario’ en Mondariz, cun éxito de organización e participación.
Ambas partes comprométense a traballar de forma conxunta para poder ofrecer aos abonados e afeccionados celtistas a oportunidade de acompañar ao equipo nos seus desprazamentos de forma vantaxosa, ou mesmo contratar as súas vacacións.
O acordo inclúe a prestación de servizos de transporte e aloxamento para os diferentes equipos do RC Celta, así como publicidade no estadio Abanca Balaídos e a Cidade Deportiva Afouteza, entre outras accións asociadas ao club.
