O Salón Regio de A Sede reabre as súas portas para que os afeccionados celestes poidan ver en pantalla xigante todos os partidos do RC Celta ata final de tempada. A reinauguración destes eventos producirase o domingo 11 de febreiro ás 14:00 horas co Getafe CF – RC Celta. Na presente xornada 24 de LALIGA EA Sports, A Sede recibirá a todos os celtistas que acudan a ver o partido a partir das 13:00 horas cunha sesión de DJ previa ao comezo do encontro. Durante o mesmo, os asistentes dispoñerán dun servizo de barra e comida ata o final da cita, 16:00 horas.
A entrada será libre ata completar o aforo e terá como obxectivo que o celtismo volva vivir unido este e todos os encontros do RC Celta.
Vémonos, afección!
