A campaña de abonados do RC Celta para a tempada 2021/22 preséntase cunha soa palabra, pero recolle un aluvión de emocións e sentimentos: “volver”. Tras unha campaña, a anterior, de doloroso silencio, ausencia e lexanía, a afección celeste volverá ao estadio de Abanca Balaídos para darlle vida ao equipo.
O RC Celta lanzará o luns 2 de agosto unha campaña na que se manteñen os prezos, exactamente os mesmos que na tempada 2017/18. Catro anos xa sen subidas. A todos os actuais abonados aplicaráselles un desconto especial de 50 euros. Ademais, aos que dispoñan de monedero dixital tamén se lle descontará a cantidade dispoñible nese soporte.
A campaña concluirá o día 11 de agosto, uns días antes do comezo da competición, que arrincará en Abanca Balaídos cun apaixonante RC Celta-Atlético de Madrid.
Debido ás limitacións de acapacidade por mor das obras no estadio, non se tramitarán altas ata que finalice a campaña de renovación de abonos.
Esta campaña desenvolverase, como xa sucedeu nas últimas, exclusivamente online, no portal rccelta.es/abonados, no que se poderán realizar todos os trámites de xeito sinxelo e seguro e consultar toda a información e detalles da campaña.
Vantaxes
Os abonados celestes terán as seguintes vantaxes:
-Acceso aos partidos como local do RC Celta en Abanca Balaídos*
-Acceso aos partidos como local do Celta B e Celta C – Gran Pena*
-Desconto do 10% en tendas oficiais do RC Celta
-Prezo especial en camisetas oficiais durante campaña de abonados. Adulto 67€ (PVP 79,95€) Infantil 49€ (PVP 69,95€)
-Prioridade ao acceso de entradas para partidos como visitante
-Acceso promocións e contidos dixitales exclusivos reservados para os nosos abonados
-Acceso aos partidos como local de Celta Zorka Baloncesto
*Suxeito a posibles restriccións de aforo debido a condicións sanitarias
Recolocación
As obras que sofre o estadio obrigarán á recolocación de numerosos abonados. Os de Marcador instalaranse en Gol co prezo da súa grada de orixe e en caso de desexar un cambio de bancada deberán abonar a diferenza. No proceso de renovación online o abonado poderá comprobar a ubicación do novo asento que se asignou de forma temporal ata que poida regresar á nova grada de Marcador.
Os abonados que tramitaron a súa alta durante a tempada pasada recibirán unha chamada do club para que indiquen en que grada queren a súa butaca. Poderán escoller entre as gradas de Tribuna Alta, Tribuna Baixa e Río Alto.
Por mor das obras no estadio non están dispoñibles as gradas de Marcador, Gol, Río Baixo e Bancada Seareiros. Unha vez indicada a grada, o abonado poderá tramitar a renovación do abono na web rccelta.es/abonados
