Xa á venda as entradas para o Celta-Barça

Os abonados que renovaron ou se deron de alta antes do 19 de xullo non necesitan adquirir suplemento

A oficina de abonados porá á venda a partir de mañá as entradas para o partido RC Celta-FC Barcelona, correspondente á xornada 11 de Liga, que se celebrará en torno ao mércores 30 de outubro no Estadio de Balaídos (data definitiva pendente de confirmación da LFP).

O importe dos billetes para este emocionante encontro oscila entre os 60 euros de Marcador e os 95 de Tribuna, uns prezos que non sofren variacións respecto da última visita do conxunto culé ao estadio celeste. Os abonados do club que renovaron ou se deron de alta despois do 19 de xullo deberán retirar para este partido un suplemento de 20 euros para a categoría Adulto e de 10 para o resto de categorías, mentres quen xestionaron o seu carné antes de dita data poderán acceder ao estadio sen custo extra.

Os afeccionados e abonados poden adquirir entradas e suplementos na oficina de abonados de luns a venres, en horario de 10 a 14 e de 17 a 20 horas. Ademais os billetes xa poden adquirirse a través do despacho de billetes virtual, dispoñible as 24 horas o sete días da semana: www.celtavigo.org/taquillacelta

Por outra banda, este mércores 4 de setembro iníciase a campaña de cambio de asento. Os abonados célticos poderán solicitar un cambio de localidade dentro da súa bancada acudindo á oficina de abonados, no horario de atención habitual. O prazo finalizará o vindeiro martes 10 de setembro.