¡Arrinca unha nova tempada en Abanca Balaídos! Xa podes conseguir as entradas para os tres primeiros partidos de LaLiga EA Sports 2025/26 a través da nosa web. Volvemos á casa con toda a ilusión, e queremos que cada visita ao estadio sexa moito máis que 90 minutos de fútbol.
Estes son os primeiros encontros xa dispoñibles á venda:
Celta – Getafe CF
Domingo 17 de agosto – 17:00 h
Mercar entradas
Celta – Real Betis
Mércores 27 de agosto – 21:00 h
Mercar entradas
Celta – Villarreal CF
Domingo 31 de agosto – 17:00 h
Mercar entradas
As entradas xa están dispoñibles para calquera modalidade do Carné Celtista, a partir de hoxe ás 12:00 h, desde 20 € para Carné Celtista, desde 25 € para público xeral.
¡Atención! Durante as primeiras 24 horas, a venda é exclusiva para Celtistas. A partir de mañá, día 1 ás 12:00 h, abrirase a venda ao público xeral.
Pero asistir a un partido en Balaídos será moito máis que ocupar o teu asento. Esta tempada preparamos novas formas de gozar do celtismo con vós, mesmo antes de que o balón comece a rodar. Pensamos en grandes e pequenos, nos celtistas de sempre e en quen nos visita por primeira vez. Queremos que vivades o estadio como nunca antes.
Agora, antes do partido, poderedes:
-
Visitar o Museo Celta, un percorrido emocionante polos nosos 100 anos de historia.
-
Realizar o novo Tour Especial Día de Partido, para coñecer como se transforma Balaídos nas horas previas ao encontro: co ambiente, a preparación e os últimos detalles antes do gran momento.
E iso non é todo. Tamén lanzamos novas experiencias para que formedes parte do partido dunha maneira única:
-
Os nenos entre 8 e 15 anos poderán ser abandeirados na saída do equipo, mentres soa “Oliveira dos Cen Anos”.
-
Ver o quecemento desde o céspede, a só uns metros dos vosos ídolos.
-
Lanzar un penalti en Balaídos ao rematar o partido: pisa o céspede e leva contigo un recordo inesquecible.
Ao longo da tempada iremos incorporando máis sorpresas e vivencias únicas que vos iremos contando.
Queremos que cada partido sexa inesquecible. Que veñades a Balaídos a sentir, a vivir, a ser parte do Celta desde o primeiro momento.
Entradas e experiencias xa dispoñibles en rccelta.es/entradas
