Xa están á venda as entradas para o segundo partido do Celta a domicilio deste 2026. Desde este momento, xa está dispoñible a prerreserva das localidades para o encontro ante a Real Sociedad, que terá lugar o vindeiro domingo 25 de xaneiro ás 18:30 horas no Estadio de Anoeta.
A continuación, explicamos detalladamente como realizar o proceso e cales son os pasos a seguir desde o Portal del Celtista:
-
Pre-reserva e adxudicación
Para optar a unha entrada na bancada visitante (30 euros), é necesario realizar unha inscrición no Portal del Celtista de maneira individual ou en grupo (cun máximo de 6 celtistas) e realizar un pagamento de prerreserva (5 euros) co obxectivo de que as solicitudes sexan en firme, que será devolto no caso de non resultar seleccionado/a.
Este pagamento non garante automaticamente a entrada, senón que permite participar no proceso de adxudicación, que se rexe polos seguintes criterios:
O 75 % das entradas asígnanse segundo a antigüidade: téñese en conta a media de antigüidade no caso de grupos e a antigüidade individual nas solicitudes persoais.
O 25 % das entradas adxudícanse mediante un sorteo entre os solicitantes restantes.
Unha vez finalizado o proceso de adxudicación, todas as persoas inscritas reciben un correo informando sobre o resultado da súa solicitude.
-
Pago final para os escollidos/as
Os celtistas que resulten seleccionados recibirán un correo de confirmación coas instrucións para completar a compra abonando a diferenza respecto á prerreserva realizada.
Para formalizar a compra, deben seguir estes pasos:
-
Acceder ao Portal do Celtista e dirixirse ao apartado “Entradas Visitante”.
-
Completar o pagamento dentro dun prazo máximo de 48 horas desde a recepción do correo.
-
Recibirán a confirmación da compra e a información sobre a entrega da entrada.
⚠ Importante: Se o pagamento non se realiza dentro do prazo indicado, perderase o dereito á compra da entrada e o importe da prerreserva non será reembolsado.
-
Devolución para os non escollidos/as
Aqueles afeccionados que non resulten seleccionados recibirán un correo coa notificación e, de forma automática, o club procederá ao reembolso íntegro do importe da prerreserva no mesmo método de pago utilizado durante a inscrición.
-
Confirmación e entrega de entradas
Os seguidores que completen o proceso de compra recibirán un correo de confirmación. É importante lembrar que o xustificante de pagamento non é válido como entrada. As entradas serán en formato dixital e enviaranse ao correo do celtista unha vez finalizado o prazo de venda.
Unha vez realizada a compra, non se permiten cambios nin devolucións.
A preinscrición para as entradas está dispoñible no Portal del Celtista Desde hoxe mesmo ata o mércores 14 de xaneiro ás 17:00 horas. Lembramos que estas son nominativas e se pedirá o DNI xunto coa entrada no acceso ao estadio.
¡A por unha nova vitoria lonxe de casa!
