O RC Celta 2019/20 presentouse ante o celtismo nos prolegómenos do XXIV Memorial Quinocho, que este ano contou coa SS Lazio como rival invitado. Antes do comezo do partido, o persoal ao completo e o corpo técnico desfilaron sobre o céspede de Abanca Balaídos. “Imos defender este escudo como se merece”, arengó o capitán Hugo Mallo.
Ademais do xogador celeste, o adestrador e o presidente tamén se dirixiron a todos os asistentes: “Grazas polo apoio do ano pasado, foi fundamental. Pedímosvos non perder esa unión. Xuntos somos mellores e máis fortes”, declarou Fran Escribá antes de ceder a quenda de palabra a Carlos Mouriño. O máximo mandatario céltico destacou a felicidade do club por “traer a casas figuras que estaban fóra”, como Denis Suárez e Santi Mina, e asegurou que se está construíndo “un núcleo potente, fortalecido por xogadores da tempada pasada e novas incorporacións”.
No tempo de descanso a canteira do RC Celta foi a gran protagonista. Todos os equipos das categorías inferiores celestes presentáronse ante os afeccionados, que dedicaron unha sonora ovación a todos os conxuntos, incluídos o Celta B e o Celta Integra. Además, a Federación Galega de Fútbol fixo entrega a Iago Aspas da “Medalla de Ouro ao Mérito Deportivo”, que entregou o presidente da Federación, Rafael Louzán.
