O canteirán Iván Villar será celeste ata xuño de 2027 e sumará así 20 tempadas no club vigués, ao que chegou no ano 2007 en categoría alevín. O porteiro celeste selou onte a renovación do seu contrato na Sede coa presidenta do club, Marián Mouriño, e o director de Fútbol, Marco Garcés.
Esta tempada, o gardameta de Aldán disputou 12 partidos, con máis de 1000 minutos xogados, mentres que a pasada campaña xogou un total de 21 encontros. Iván Villar debutou no filial celeste con 16 anos e co primeiro equipo fíxoo en 2017 en Mendizorroza.
Iván declarou que está “é a miña casa, levo aquí desde os nove anos. Éncheme de orgullo pasar por todas as categorías do RC Celta e chegar a lucir a camiseta do primeiro equipo”. “Espero ser tan bo exemplo para as xeracións seguintes como os referentes canteiráns que eu tiven. Son 20 anos pero espero que sexan moitos máis”, concluíu o gardameta celeste.
