O adestrador do primeiro equipo, Eduardo Berizzo, convocou a 20 xogadores para o partido de Liga ante o FC Barcelona (mércores, 20:00h, Balaídos), correspondente á quinta xornada de Primeira División, entre eles o porteiro do filial Néstor ante a baixa por lesión de Rubén Blanco. O defensor Jonny está pendente da resolución de Apelación sobre a súa sanción dun partido por recibir dobre amarela a pasada xornada.
A lista completa fórmana Sergio, Néstor, Hugo Mallo, Jonny, Planas, Cabral, Fontàs, Sergi Gómez, Radoja, Augusto, Wass, Madinda, Pablo Hernández, Señé, Orellana, Drazic, Bongonda, Nolito, Iago Aspas e Guidetti.
