Iago Aspas cumpre hoxe #ante o Sevilla FC o seu 300º partido na competición ligueira española para pechar o ano.
O Mago de Moaña debutou na máxima categoría do fútbol español sendo xogador do RC Celta na tempada 2012/2013, a primeira da actual etapa do equipo na elite e tras ser clave no ascenso. O seu primeiro partido foi fronte ao Málaga na primeira xornada dese curso o 18 de agosto do 2012 con resultado de derrota celeste pola mínima nos últimos minutos (0-1).
O dianteiro de Moaña chega a esta efeméride cuns datos incribles que o avalan como o son os seus números nesta competición: 142 goles e 68 asistencias neses 300 partidos do noso dianteiro nas súas tempadas no Sevilla e o RC Celta.
