A recadación deste partido solidario destinarase á loita do ébola e a diversos programas sociais
Os canteiráns Álex López e Santi Mina representaron este luns ao RC Celta na II Edición da Champions for Life, un partido solidario organizado por UNICEF e a Fundación do Fútbol Profesional. Esta exitosa acción logrou recadar 407.000 euros, fondos que se destinarán a combater a epidemia do ébola nos países africanos afectados e ao desenvolvemento de diferentes proxectos humanitarios.
Os dous xogadores celestes xogaron coa ‘Selección do Oeste’ no segundo tempo. Con 0-2 no marcador a favor da ‘Selección do Leste’, Santi Mina provocou o penalti co que o seu equipo iniciou a remontada. O encontro pechouse cun 3 a 2 a favor do combinado do oeste.
