As competicións da Liga BBVA e a Liga Adelante darán comezo o 24 de agosto
Xa se coñece a proposta do calendario da Liga BBVA e a Liga Adelante para a tempada 2014/15, aprobada por clubes, SAD e AFE, que a Liga de Fútbol Profesional presentará á Real Federación Española de Fútbol para a súa aprobación. Ambas competicións darán comezo o 24 de agosto e finalizarán o 24 de maio e o 7 de xuño respectivamente.
A Liga BBVA terá esta tempada tres xornadas entre semana:
– A primeira delas será a quinta xornada, mércores 24 de setembro.
– A segunda será o 8 de abril, xornada 30.
– A última o 29 de abril, xornada 34.
– O calendario reservou cinco datas para a disputa dos correspondentes partidos internacionais, entre eles os oficiais de clasificación da UEFA EURO 2016 que se xogará en Francia.
– O equipo que participa no Mundial de Clubes FIFA, que esta tempada será o Real Madrid CF, disputará o seu partido da xornada 16 o 4 de febreiro. Ademáis, ese equipo disputará o partido de ida dos dezaseisavos de final da Copa do Rei o 29 de outubro e o de volta o 3 de decembro.
A Liga Adelante tamén comezará o 24 de agosto. Tras a disputa das 42 xornadas do campionato, disputaranse os play-off de ascenso á Liga BBVA. Os partidos de ida da primeira rolda xogaranse o mércores 10 de xuño, e os de volta o domingo 14 de xuño. A segunda rolda disputarase o mércores 17 de xuño e o domingo 21 de xuño.
Nota oficial da LFP
