O arxentino e o chileno teñen grandes posibilidades de participar na cita mundialista deste ano
As seleccións de Arxentina e Chile deron a coñecer onte as listas provisionais de 30 xogadores de cara ao Mundial de Brasil 2014. Os xogadores celestes Augusto Fernández e Fabián Orellana entraron nas convocatorias dos seleccionadores arxentino e chileno respectivamente.
Nas próximas semanas determinarase se os dous futbolistas célticos forman parte da lista definitiva de 23 xogadores para a cita mundialista, que arrinca o próximo mes de xuño. Orellana prepárase xunto ao primeiro equipo na Madroa para afrontar o partido deste sábado ante o Valencia, mentres que Augusto viaxou a Arxentina para iniciar o tratamento de recuperación da lesión que sufriu ante o Real Madrid e apurar ao máximo as súas posibilidades de participar no Mundial.
