O centrocampista celeste lesionouse no partido do domingo ante o Real Madrid
A resonancia realizada esta mañá no Hospital Vithas Nuestra Señora de Fátima ao centrocampista celeste Augusto Fernández desvela que o xogador sofre un esguince distal de grado II no ligamento lateral interno do seu xeonllo dereito. O xefe dos servizos médicos do club, Juan José García Cota, destacou que “esta lesión ten un periodo de curación de varias semanas”, pero ante a disputa da Copa do Mundo e a posibilidade da convocatoria do futbolista “intentaríase aplicar un tratamento máis agresivo para acurtar os prazos e recuperalo canto antes”.
Augusto lesionouse no transcurso da segunda metade do partido disputado o pasado domingo en Balaídos ante o Real Madrid, no que foi substituído por Álex López no minuto 57 do choque.
