O centrocampista celeste estará de baixa entre cinco e seis semanas
A ecografía realizada esta noite polos servizos médicos do Real Club Celta ao centrocampista Augusto Fernández desvela a existencia dunha rotura de fibras de grao I no xemelgo interno dereito, en zona miotendinosa, do xogador, que sufriu a lesión na primeira metade do partido do pasado venres ante o Elche.
O xefe dos servizos médicos celestes, Juan José García Cota, precisou que o tempo de baixa de Augusto estará entre cinco e seis semanas.
