Os médicos do club e da selección estudian as posibilidades que tén de cara ao Mundial de Brasil
O centrocampista celeste Augusto Fernández viaxou no día de hoxe a Arxentina para iniciar canto antes o tratamento de recuperación da súa lesión, unha escordadura distal de grao II no ligamento lateral interno do xeonllo dereito producido no partido ante o Real Madrid.
Os servizos médicos do Real Club Celta mantiveron nos últimos días un contacto continuo cos facultativos da Selección Arxentina. Unha vez concluída a competición ligueira para o xogador arxentino, os médicos determinaron que Augusto viaxe ao seu país natal para comezar o proceso de recuperación e estudar as posibilidades que ten de chegar ao Mundial de Brasil 2014, que comeza no mes de xuño.
O seleccionador nacional de Arxentina, Alejandro Sabella, dará a coñecer a lista provisional de 30 xogadores para o campionato mundial nas próximas horas.
