O Celta e o Bayern de Múnic chegaron a un acordo para a cesión con opción de compra do extremo malagueño, Bryan Zaragoza. Internacional coa Selección Española, o xogador de 23 anos destaca pola súa verticalidade, regate e capacidade para romper liñas, unhas calidades coas que se integrará no conxunto de Claudio Giráldez para afrontar esta ilusionante tempada na Europa League.
Zaragoza aterra en Vigo tras disputar a pasada tempada nas filas do CA Osasuna, onde acumulou 27 partidos oficiais en LaLiga, destacando pola súa potencia no un contra un e pola súa verticalidade. Formado nas categorías inferiores do CD Tiro Pichón e do Granada CF, a súa experiencia en Alemaña e en Pamplona, unida ao seu paso goleador pola Selección Española, convérteno nun xogador cun gran talento e proxección; polivalente en ambas bandas, capaz de marcar diferenzas e achegar profundidade ao sistema celeste.
O Celta recibe a Bryan Zaragoza desexándolle o maior dos éxitos nesta nova etapa na cidade olívica.
Benvido, Bryan!
