Carl Starfelt chegou a unha destacada cifra na súa traxectoria co RC Celta: 50 partidos. O central sueco alcanzou este fito no último encontro do cadro celeste, disputado onte fronte ao Real Madrid nos oitavos de final da Copa do Rey.
Con este partido, Starfelt suma medio centenar de aparicións coa camiseta celeste, un número cultivado entre a tempada 23/24, na que Carl acumulou 27 choques en LALIGA EA SPORTS e 3 en Copa do Rey, e a presente campaña, na que leva xa 18 duelos en Liga e 2 na Copa.
Pero a cousa non queda aquí, xa que estas cifras seguirán crecendo con cada nova xornada, nas que Carl continuará defendendo con orgullo o escudo celeste.
Grazas pola túa entrega, Carl!
