O club agradece ao futbolista a súa contribución ao equipo durante as últimas tempadas
O Real Club Celta e o defensa Carlos Bellvís chegaron hoxe a un acordo para pór fin á súa relación contractual. O futbolista, que xa se desvinculou do club, foi un dos protagonistas do ascenso a Primeira División na tempada 2011-2012, feito polo que a entidade e a afección gardarán sempre un cariñoso recordo do seu paso polo Celta.
O club quere expresar o seu máximo agradecemento a Carlos Bellvís polo seu comportamento exemplar, a súa profesionalidade e a súa contribución ao equipo durante os anos que vestiu a elástica celeste, así como desexarlle o maior dos éxitos na súa nova etapa deportiva.
