A penúltima xornada ligueira, a última en Balaídos, será unha gran festa para club, equipo e afección. Os despachos de billetes despacharon xa case 2000 entradas para o importante choque ante o Málaga, un espectacular dato que reflicte a ilusión coa que o celtismo afronta a cita deste domingo.
O Celta compartirá cos seus afeccionados unha xornada especial para celebrar o regreso do equipo a competicións europeas dez anos despois. Desde a mañá haberá actividades e eventos que se prolongarán até a noite cun gran peche de festa na Praza de América. Será un día inesquecible para todo celtista.
O club anima a abonados e afeccionados a acudir a Balaídos e ser partícipes dunha celebración histórica. As entradas ten un custo de tan só 10€ para categoría SUB-25 en calquera das bancadas, mentres que para ADULTO hai billetes desde 20€.
Os despachos de billetes do estadio permanecerán abertas até o sábado de 10:00 a 14:00 e de 17:00 a 20:00 e o domingo, día do partido, de 10:00 a 17:00 de maneira ininterrompida. As entradas tamén poden adquirirse a través da web www.celtavigo.org/taquillacelta en calquera momento do día.
