O club deséxalle o maior dos éxitos e agradécelle a súa entrega e exemplar profesionalidade
O Real Club Celta e o dianteiro David Rodríguez acordaron hoxe a desvinculación do futbolista. O ariete talaverano, que contribuíu ao ascenso do equipo á Primeira División hai dúas tempadas cun alto grao de compromiso e entrega, será lembrado polo club e o celtismo con agarimo e gran estima.
O Real Club Celta quere expresar o seu agradecemento a David polo seu exemplar comportamento e profesionalidade durante a súa etapa no conxunto celeste, así como desexarlle un gran éxito na súa nova andaina futbolística.
