O Celta xa coñece o calendario completo dos primeiros rivais aos que se enfrontará na Europa League. Esta mesma tarde, a UEFA deu a coñecer as datas dos partidos desta fase da competición. Tras anunciar o pasado venres aos seus opoñentes; Lille, Dinamo Zagreb, PAOK, Estrella Roja, OGC Niza, Ludogorets, Bolonia e Stuttgart; o Celta xa sabe cando terá que enfrontarse a cada un deles. Repasamos todo aquí:
- Xornada 1: 25 de setembro. O Celta xogará fóra da casa ás 21:00 horas ante o VfB Stuttgart.
Xornada 2: 2 de outubro. O Celta xogará na casa ás 21:00 horas ante o PAOK FC.
Xornada 3: 23 de outubro. O Celta xogará na casa ás 21:00 horas ante o OGC Niza.
Xornada 4: 6 de novembro. O Celta xogará fóra da casa ás 18:45 horas ante o GNK Dinamo Zagreb.
Xornada 5: 27 de novembro. O Celta xogará fóra da casa ás 18:45 horas ante o PFC Ludogorets.
Xornada 6: 11 de decembro. O Celta xogará na casa ás 21:00 horas ante o Bolonia FC.
Xornada 7: 22 de xaneiro. O Celta xogará na casa ás 21:00 horas ante o LOSC Lille.
Xornada 8: 29 de xaneiro. O Celta xogará fóra da casa ás 21:00 horas ante o Estrella Roja.
Co calendario pechado, os celestes marcan en vermello estas datas e céntranse xa no primeiro encontro desta nova aventura europea. O Celta estreará a Europa League 25/26 fronte ao Stuttgart, co que xogará en terras alemás o vindeiro 25 de setembro ás 21:00 horas no MHPArena.
Agora si, comeza o soño, celtistas.
