A Selección Galega absoluta regresa este 20 de maio cun partido ante a Selección de Venezuela que se celebrará no Estadio de Riazor (A Coruña). Míchel Salgado e Fran, encargados de dirixir ao combinado galego nesta nova etapa, anunciaron esta mañá en Vigo unha lista de convocados na que o RC Celta ten unha presenza sobresaliente.
Os xogadores celestes Sergio Álvarez, Hugo Mallo, Jonny, Iago Aspas e Álex López, esta tempada cedido no Sheffield Wednesday inglés, foron incluídos nunha convocatoria na que tamén están presentes os canteiráns do RC Celta Roberto Lago (Getafe), Denís Suárez (Vilarreal), Santi Mina (Valencia), Jota (Eibar) e Joselu (Stoke), ademais do ex xogador céltico Roberto Trashorras, agora no Rayo Vallecano.
A lista completa está formada por:
Porteiros: Sergio (Celta) e Diego Mariño (Levante)
Defensas: Hugo Mallo (Celta), Barragán (Valencia), Jonny (Celta), Bergantiños (Deportivo), Roberto Lago (Getafe) e Angeliño (Manchester City)
Medios: Trashorras (Rayo Vallecano), Fran Rico (Granada), Juan Domínguez (Deportivo), Mosquera (Deportivo) e Álex López (Sheffield)
Dianteiros: Denís Suárez (Villarreal), Santi Mina (Valencia), Falqué (Roma), Aspas (Celta), Jota (Eibar), Lucas Pérez (Deportivo) e Joselu (Stoke)
