Ao recibimento por parte da afección e a ‘festa’ con empanada, chocolate e bebida gratuíta na Bancada Siareiros, súmaselle unha nova iniciativa para potenciar ao máximo o ambiente no vital partido ante o Eibar deste domingo. O RC Celta ofrecerá entradas a 5 euros para os abonados, un máximo de dous por carné, co obxectivo de que poidan acudir ao estadio cos acompañantes que desexen.
Os abonados poden adquirir estas entradas, para calquera bancada até completar aforamento, nas billeteiras de Abanca Balaídos o mesmo domingo de 10.00 a 12.00 horas. ‘Xuntos somos máis fortes’.
