O RC Celta reforza a súa dianteira coa incorporación de Ferran Jutglà Blanch (Sant Julià de Vilatorta, 1 de febreiro de 1999), que se converte na terceira fichaxe celeste da presente tempada tras o acordo alcanzado co Club Brujas. O dianteiro catalán firma co conxunto vigués por catro tempadas, ata xuño de 2029.
Formado no UE Sant Andreu, a canteira do RCD Espanyol e a canteira do FC Barcelona, Jutglà deu o salto á elite na tempada 2021/22 ao debutar co primeiro equipo culé. Tras varias boas actuacións co Barça, o catalán asinou polo Club Brujas KV, onde participou de forma decisiva nas dúas últimas edicións da Liga de Campeones. Agora, deixa o conxunto belga despois de 148 partidos, nos que marcou 40 goles e dado 24 asistencias entre todas as competicións.
Aos seus 26 anos, o novo xogador celeste preséntase como un dianteiro versátil, con gran mobilidade e olfacto, sempre atento aos espazos e cunha clara vocación ofensiva. A súa incorporación supón un impulso para o ataque celeste e o club está seguro de que será unha peza crave para a ilusionante campaña que arrincará en apenas uns días.
Benvido, Ferran!
