Ferran Jutglà foi presentado como novo xogador do Celta nunha comparecencia de prensa na que estivo acompañado por Marco Garcés, director de Fútbol do club; e José Amoedo, conselleiro celeste.
O dianteiro catalán falou da súa chegada a un equipo que o acolleu de marabilla desde o primeiro día e tamén quixo destacar a gran unión existente no vestiario así como as ganas de traballar moi duro para seguir crecendo. Non se pon límites nun ano que considera que “o máis importante será manter a ilusión e que toda a afección senta orgullosa de nós“.
