No partido ante Osasuna, Fran Beltrán alcanzou os 200 partidos en Laliga co RC Celta. Uns datos cos que se posiciona no Top 5 de xogadores do club celeste con máis partidos nesta competición, só por detrás de Gustavo López (205), Aleksandr Mostovoi (235), Hugo Mallo (309) e Iago Aspas (344).
O de Seseña chegou á cidade olívica en agosto de 2018 e desde entón xogou un total de 218 partidos co RC Celta, entre Laliga e a Copa do Rei, nos que anotou 7 goles. Lembramos o seu último tanto na vitoria ante o Valencia CF en Abanca Balaídos, un auténtico golazo que levantaba dos seus asentos a todos os afeccionados que se atopaban presentes nas bancadas.
Sen dúbida, Fran Beltrán, ao longo das 7 tempadas no club, converteuse nun xogador clave para o conxunto celeste no que continúa agrandando a súa historia.
