Fran Beltrán alcanzou un novo fito na súa carreira deportiva ao converterse nun dos cinco futbolistas con máis partidos disputados defendendo o escudo do RC Celta. Co encontro ante o UD Las Palmas, suma xa 221 participacións, un rexistro que o posiciona xunto con grandes nomes da historia celeste, só por detrás de lendas como Manolo O Gran Capitán (226), Mostovói (235), Hugo Mallo (309) e Iago Aspas (363).
Dende a súa chegada á cidade olívica, fai xa sete tempadas, Fran Beltrán sempre demostrou un gran compromiso e entrega, converténdose en referente e capitán do primeiro equipo. Agora, suma unha nova marca coa que agrandar a súa lenda e seguir facendo historia no RC Celta.
Parabéns, Fran!
