O RC Celta suma un novo desafío á súa pretemporada 25/26. O próximo 15 de xullo, os celestes enfrontaranse ao Futebol Clube Famalicão, a porta pechada, na Ciudade Deportiva Afouteza, ás 18:00h (hora española). Este será o primeiro encontro da pretemporada, apenas unha semana despois do regreso aos adestramentos.
O FC Famalicão, que finalizou sétimo na Primeira Liga Portuguesa na tempada 24/25, é coñecido pola súa mocidade, sendo un dos equipos que máis xogadores sub-20 utilizou na última campaña.
Este partido súmase aos xa confirmados contra Wolves, SC Braga, Stuttgart, Grasshopper e Vitória SC, completando un calendario de pretemporada que permitirá aos pupilos de Claudio Giráldez chegar nas mellores condicións ao comezo do novo e ilusionante curso.
