A vitoria do RC Celta no Camp Nou ante o FC Barcelona trouxo ademais outro premio para a canteira celeste. O xuvenil Hugo Sotelo debutou en partido oficial co primeiro equipo en LaLiga tras substituír no tramo final a Fran Beltrán.
Sotelo é o sétimo futbolista formado na Madroa que debuta este ano en Primeira División, e o terceiro en idade xuvenil. Antes que el fixérono Jose Fontán, Gabri Veiga, Miguel Rodríguez, Sergio Carreira, Lautaro de León e Carlos Domínguez.
O seu debut, do mesmo xeito que o dos seus compañeiros, pon en valor a aposta do club e a Fundación pola formación de xogadores nas categorías inferiores.
