Iago Aspas recolleu nas instalacións deportivas da Cidade Deportiva Afouteza o Premio Estrella Galicia ao mellor xogador do mes de decembro. O dianteiro de Moaña obtivo o 45% dos votos, superando a Brais Méndez (30%) e Rubén Blanco (25%).
O canteirán celeste, que repite o galardón obtido o pasado mes de novembro, respondeu as preguntas dos afeccionados. Aspas valorou as súas opcións de acabar a tempada como máximo goleador de LaLiga así como lembrou momentos transcendentais da súa carreira no RC Celta: “Quizais o máis importante sexa o debut por todo o que supuxo para a miña carreira deportiva”
Ademais, apuntou que lle encantaría anotar un gol de chilena, asegurou que continuará traballando para poder ir á próxima Eurocopa e sinalou, que de nacer de novo, volvería ser xogador do RC Celta.
