O canteirán celeste Iago Aspas proclamouse por terceira tempada consecutiva máximo goleador español de Primeira División con 20 goles anotados en 27 partidos, nos que ademais deu sete asistencias.
Malia non poder participar en 11 partidos do campionato, Iago acabou a competición como cuarto máximo goleador da Liga a tan só un tanto de Benzama e Luís Suárez e coa segunda porcentaxe máis alta de goles por partido, 0,74, por detrás de Leo Messi.
O canteirán céltico pode alcanzar a todo un mito do fútbol español como Quini se a tempada 2019/2020 repite como máximo goleador nacional. Tan só o ariete asturiano conseguiu ata a data encadenar catro campañas consecutivas como máximo goleador español. Con tres, figuran Lángara, Zarra, Gárate e Iago Aspas.
