O lateral dereito Javi Rueda recibiu a alta médica e reincorporouse aos adestramentos co resto do grupo, unha vez superada a lesión que o mantivo afastado da dinámica do primeiro equipo durante as últimas semanas.
O xogador celeste sufriu unha rotura de grao I no recto anterior da coxa esquerda durante o encontro disputado o pasado 23 de outubro ante o OGC Niza en Abanca Balaídos, correspondente á terceira xornada da Liga Europa.
Tras un proceso de recuperación que se desenvolveu segundo o previsto, Javi Rueda está xa completamente recuperado e preparado para volver achegar ao primeiro equipo.
