Javier Manquillo, novo lateral dereito do RC Celta, presentouse a tarde do xoves 26 de xaneiro ante os medios.
A rolda de prensa da segunda fichaxe deste mercado invernal comezou cunha pequena intervención do novo conselleiro Sergio Álvarez, quen destacou que “estamos encantados de que estea aquí connosco. Acollerémolo como sempre: cos brazos abertos. O vestiario ten un grupo no que é moi fácil integrarse, e iso é o que queremos, que se integre no equipo e no grupo canto antes para que poida achegar ao grupo todo o fútbol que trae”.
Tomo a palabra a continuación o director de fútbol, Marco Garcés, quen quixo resaltar que Manquillo “vén redondear o noso persoal, a colaborar. Para nós é moi importante o que nos poida achegar: atleticismo, físico, velocidade, experiencia probada e calidade humana”.
Por último, o xogador, asegurou que está “moi feliz de estar aquí” e destacouse que chega “ilusionado a un club histórico. Son un xogador polivalente, capaz de adaptarse a diferentes situacións”.
