O centrocampista do RC Celta Marcelo Díaz sofre unha lesión miofascial na zona distal do bíceps femoral dereito. Segundo o xefe dos servizos médicos do club, Juan José García Cota, trátase de “unha lesión de bo pronóstico!. O médico céltico precisou que, tras examinar ao futbolista e valorar a resonancia e a ecografía que lle realizaron, o tempo de baixa será unhas tres semanas.
