Miguel Román ofreceu unha rolda de prensa tras oficializarse a súa renovación co Celta ata 2028. Acompañado por Marco Garcés, director de Fútbol do club, o mediocentro fala do especial que está a ser esta tempada para el xa que “é o soño feito realidade dun neno que gozaba os partidos do Celta desde a bancada de Balaídos“. Miguel relata o importante que é esta continuidade para a súa familia que foi celtista toda a vida e asegura que sempre tivo claro que a súa prioridade era seguir defendendo o escudo celeste.
Dálle ao PLAY e escoita as súas declaracións completas!
