O colexiado explicou os cambios na normativa para a nova tempada
O árbitro galego Iglesias Villanueva impartiu esta mañá na Madroa unha charla aos xogadores do primeiro equipo. O colexiado puxo en coñecemento dos futbolistas algúns cambios na regulamentación de cara á tempada 2014/2015 e atendeu as dúbidas do plantel celeste.
Entre as novidades máis rechamantes para a nova campaña destaca o uso do spray para marcar a posición da barreira sobre o terreo de xogo nos lanzamentos de falta, unha ferramenta xa utilizada na Copa do Mundo de Brasil e que comezará a implantarse esta tempada en varias ligas europeas.
