O RC Celta retoma a súa participación na Copa do Rei este xoves 7 de xaneiro. Os celestes mídense ao Cádiz en partido de ida dos oitavos de final, un encontro que se disputa no Ramón de Carranza ás 20:30 e que retransmiten Canal+ Liga e Abono Fútbol.
Os vigueses chegan a este choque tras eliminar na anterior rolda á UD Almería cun resultado global de 4-1 (1-3 na ida e 1-0 na volta). O cadro gaditano é o único equipo de 2ªB clasificado para os oitavos de final do torneo copeiro. O partido de volta xogarase a próxima semana en Balaídos, o mércores 13 de xaneiro ás 20:30h.
