O Celta caeu por 1-0 ante o Omonoia FC na súa estrea na fase liga da UEFA Europa League, cun tanto de Jure Balkovec no minuto 88.
Os de Claudio Giráldez asumiron a iniciativa ante un rival replegado e atento á contra, mentres Andrei Radu respondeu con seguridade cada vez que foi esixido. Táboas ao descanso e partido novo.
Tras a reanudación, as entradas de Williot Swedberg e Hugo González deron máis profundidade ao Celta, que viu como se anulaba un tanto de Pablo Durán por fóra de xogo no minuto 68. Con Borja Iglesias xa sobre o céspede, os celestes asinaron as súas mellores chegadas no tramo final, ata que os chipriotas atoparon o gol.
Agora, o Celta volve poñer a mirada en LaLiga EA Sports e céntrase no seu próximo encontro ante o Racing de Santander, que terá lugar en Abanca Balaídos este sábado 19 de setembro ás 18:30h.
FICHA TÉCNICA:
1 – Omonoia FC: Fabiano; Duverne, Coulibaly, Šatka, Balkovec; Andreou, Maric; Ewandro (Tanase, min. 90+3), Tankovic (Brouwers, min. 63), Montnor (Mayambela, min. 90+3) e Diony (Kakoullis, min. 75).
0 – Celta: Andrei Radu; Javi Rodríguez, Carl Starfelt, Marcos Alonso; Álvaro Núñez (Borja Iglesias, min. 77), Miguel Román, Hugo Burcio (Aleix Febas, min. 72), Sergio Carreira; Pablo Durán (Hugo Álvarez, min. 72), Couhaib Driouech (Williot Swedberg, min. 55) e Ferran Jutglà (Hugo González, min. 55).
Goles: 1-0, min. 88: Jure Balkovec.
Árbitro: Balázs Berke (Hungría). Amonestou a Williot Swedberg (min. 67) por parte do Celta.
Incidencias: Encontro correspondente á Xornada 1 da fase liga da UEFA Europa League disputado no GSP Stadium de Nicosia (Chipre).
